Русские духовные песнопения XVI-XIX вв. Знаменный роспев

[mns2012]

https://www.youtube.com/@Medieval_chants

Самый лучший стих из тех, что прослушал на сайте, по-моему, вот этот, гл.5:

Человече, на торгу житейстем еси,
Даже торг не разыдется,
Купи си милостынею помилование от Бога,
смирением вечную жизнь,
правдою житие некончаемо,
чистотою венец,
кротостию в раи вхождение и со ангелы пение.
Купи си трудом покой,
бдением лице невидимаго Бога,
постом и жаждею вечных благ наслаждение,
Человече, да будет ти ум во главе и смысл Царства Небесного,
во очию зрение к Богу,
таже долу то в земли по мале пойдеши,
во ушию слышание книжных словес,
в ноздрию воздыхание о гресех,
во языце истина,
во устну же молитва,
в деснице подаяние убогим,
в шуйцы же от зла огребание,
в сердцы безгневие,
в телеси чистота,
во утробе пост,
в колену Богу покланяние,
и ногами своими к церкви хождение,
и на молитве стояние со страхом и со вниманием,
и готову быти на послушание,
много разумети,
мало глаголати,
не разсмеятися,
стыдением украшатися.
Аще, человече, сия сохраниши
и будеши чадо свету и сын Царства Небеснаго,
и наследник вечныя радости,
и гражанин вышняго Иеросалима.